Сарман районында Бөтенроссия экологик өмә үтте

"Сарман: иң яңа хәбәрләр", 22 апрель 2023 - 10:12

644

Бүген район оешма-предприятиеләре хезмәткәрләре, авыл җирлекләре халкы Бөтенрәсәй экологик өмәгә кушылдылар.

Яшәгән җирлеге, эшләгән, хезмәт иткән территория чисталыгы, төзеклеге өчен һәркем өлеш кертергә бурычлы. Һәр җирдә кызу эш кайнады. Нәтиҗәдә парклар, яр буйлары, урамнар-юл кырлары чистарып калды. Өмәгә Сарман мәгьлүмат-мөхәррият үзәге хезмәткәрләре дә кушылдылар. Татар Илеге буендагы парк чисталыгына үз өлешебезне керттек. Явып торган яңгыр да безне куркытмады.