Сарайлыдан Мөхәммәтовлар җырларга да, көрәшергә дә вакыт табалар

Сарман районында үрнәк дип атарлык гаиләләр бик күп. Алар бар яктан да килгәннәр – эшкә дә, җыр-биюгә дә осталар, спортта да сынатмыйлар, балаларына яхшы тәрбия бирергә дә онытмыйлар. Сарайлы авылыннан Мөхәммәтовлар гаиләсе – әнә шундыйлардан. 

Күптән түгел алар Халыкара гаилә көне уңаеннан район үзәгендә гаилә учагы капсуласын Минзәлә районыннан кабул итү һәм Әлмәт районына тапшыру кысаларында оештырылган күркәм тантаналарда катнаштылар. Нәркиз һәм Лилия Мөхәммәтовларның үзләренең гаилә учагын кабызып җибәрүләренә быелның 14 ноябрендә 15 ел була. Шулай итеп, тиздән алар пыяла туйларын билгеләп үтәчәкләр. 

Мөхәммәтовлар гаиләсе турында күбрәк беләсегез килсә, район газетасының 7 июнь санын укырга онытмагыз.