Рәхим Таишев махсус операциядә хезмәт итүче авылдашларына да рәхмәтле

Сарман авылында яшәүче Рәхим Таишев бүгенге матур бәйрәм көнендә махсус операциядә хезмәт итүче авылдашларының да өлеше бар, дип саный. 
– Сөлек егете Айрат Сәмигуллинны телевизордан да күрсәттеләр. Аның кул астындагы егетләр дошман ягыннан бронетранспортер куып алып кайтканнар. Бу – зур батырлык. Айрат чираттагы ялга да кайтып китте. Аның күршесендә генә бертуган Ранис һәм Руслан Гыйбадуллиннар үсте. Бүгенге көндә икесе дә шулай ук махсус операциядә хезмәт итәләр. Шушы көннәрдә туганыбыз Динар да китте. Аннан хәбәрләр көтәбез. Егетләребез исән-сау туган якларына әйләнеп кайтсыннар иде, – диде ул.