Район мәктәп китапханәләрендә һөнәри бәйрәм билгеләп үтелә

Октябрь аеның дүртенче дүшәмбесендә күп илләрдә Халыкара мәктәп китапханәләре көне билгеләп үтелә. Россиядә ул беренче тапкыр 2008 елда үткәрелде. 

Мәктәп китапханәчеләре көне дә октябрь аенда билгеләп үтелә. Бу даталарның укытучылар көне белән бер айда туры килүе дә очраклы гына түгел. Аның кысаларында төрле акцияләр, айлыклар оештырыла. Мәктәп китапханәсе — укытучыларның уң куллары, алар укучыларны дәреслекләр, матур әдәбият белән тәэмин итүчеләр, балалар күңелендә китапка мәхәббәт уятучылар да. Китапханә — мәктәпнең көзгесе.