Өлкәннәр бәйрәме мәдәният йортына чакырды +ВИДЕО

Чарага килгән апа-абыйларыбыз иң элек чәйләп алдылар. Аннан мәдәният йортының тамашалар залында бәйрәм башланды. Район башлыгы Фәрит Хөснуллин исеменнән өлкәннәрне Башкарма комитеты җитәкчесе урынбасары Индира Сәхипова тәбрикләде, сихәт гомер, бәрәкәтле тормыш теләде. Район ветераннар Советы рәисе Нәҗип Миңнеголов, "Тәүфыйк" мәчете имам-хатыйбы Илнур хәзрәт, мәдәният бүлеге начальнигы урынбасары Фалих Мостафин, Сарман матбугат үзәге җитәкчесе Альбина Сабирова да җылы теләкләрен җиткерделәр. Кичә "Балкыш" фестивале лауреатлары чыгышы белән үрелеп барды. Бәйрәмдә аларны бүләкләүләр дә булды.

Альбина Сабирова