Ноябрьдә өстәмә өч көн ял итәчәкбез

Быел ноябрь аенда россиялеләр Халыклар бердәмлеге көнен бәйрәм итүгә бәйле рәвештә өч көн рәттән ял итәчәк. Бу хакта «Интерфакс» агентлыгы Хезмәт һәм мәшгульлек федераль хезмәте җитәкчесе урынбасары Иван Шкловецка сылтама белән хәбәр итә.

«Халыклар бердәмлеге көнен бәйрәм итүгә бәйле рәвештә быел россиялеләр өч көн рәттән (2, 3, 4 ноябрь) ял итәчәк. Җомга, 1 ноябрьдә, бәйрәм алды булса да, эш көне бер сәгатькә кыскартылмаячак», - диде Шкловец.

Фото:https://pixabay.com/

https://tatar-inform.tatar