Көзен армиягә киткән егетләребез кайта башладылар +ВИДЕО

Кичә Сарайлы авылы егете Ленар Гыйльфанов, хәрби хезмәтен тутырып, туган авылына кайтты. Аны якыннары, дуслары, туганнары, авылдашлары сөенеп каршы алдылар. Бигрәк тә әнисе Рәзилә белән Нәзирә әбисе нык сагынганнар үзен.
- Санкт-Петербург янындагы Луга шәһәрендә хезмәт иттем. Кәүҗияк егете Илназ Фәизов белән бер көнне киттек, бер частьтә хезмәт иттек, роталар гына аерылды, - диде Ленар.
Сарайлы мәктәбендә 9 ел укыганнан соң, Ленар Әлмәт политехника техникумында белем алган. Без егетләрне исән-имин кайтулары белән тәбрик итәбез һәм киләчәк тормышларында уңышлар телибез.