Киләсе атнада Татарстан халкы өч көн ял итәчәк

Киләсе атнада Татарстан халкын бер өстәмә ял көне көтә. Бу хакта Татарстан Республикасы Хезмәт, халыкны эш белән тәэмин итү һәм социаль яклау министрлыгының матбугат хезмәте хәбәр итә.

“Россия Федерациясе Хезмәт кодексының 112нче маддәсе нигезендә 12 июнь – Россия көне - эш көне булмаган ял дип санала. Хезмәт кодексының 95нче маддәсе буенча бәйрәм ялы алдындагы эш көне бер сәгатькә кыскара”, - диелә хәбәрдә.

Киләсе атнада 12 июнь - ял көне. 11 июньдә эш көне бер сәгатькә кыскарак булачак. Республика халкы өч көн – чәршәмбе, шимбә һәм якшәмбе көннәрендә ял итәчәк.

• Бу атнада Ураза бәйрәме көнендә – 4 июньдә ял булды.

Фото: https://pixabay.com

https://tatar-inform.tatar