Хатыйп Миңнегуловның яңа китабы чыкты

Ул “БЕР ЕЛДА - БИШ ИЛДӘ (2018). Биобиблиографик мәгълүматлар” дип атала. Авторның бу китабы ике кисәктән тора. Беренчесенең төп эчтәлеген галимнең Төркия, Таҗикстан, Финляндия, Кытай һәм Казахстанга гыйльми сәфәрләре, бу илләрдә ясаган чыгышлары тәшкил итә. Икенче кисәк – биобиблиографик характерда. Анда Хатыйп Йосыф улы хезмәтләренең, аның турындагы язмаларның, халыкара конференцияләрдә сөйләнгән докладларының исемлеге бирелә. Шулай ук җыентыкта авторның тормышы һәм эшчәнлеге, әдәби бәйләнешләр хакында да язмалар бар.