Карабодайны капчыклап алдыгызмы әллә килолапмы?

Бу көннәрдә район кибетләрендә бераз җанлылык хөкем сөргәнен сизгәнсездер. Хәер, безнең күзәтүләргә караганда, ул бер генә көн дәвам итте. Үз күзләребез белән күрмәсәк тә, кибеттән күпләп карабодай ташучылар турындагы сүзләр ишетелгәләде. Хөрмәтле райондашлар! Сез дә, кеше ала, дип, нигезсез коткыларга бирелдегезме? Карабодайны капчыклап алдыгызмы, әллә килолапмы? Күпләп алган булсагыз, аны хәзер нишләтергә уйлыйсыз? Иртән – карабодай, көндез – карабодай, кич – карабодаймы? Кыскасы, уй-планнарыгызны, карабодай әзерләү рецептларыгызны безнең һәм төркемдәшләр белән дә уртаклашсагыз иде.