Юлларда сак йөрегез, дуслар

Аяк астында - бозлавык, өстәвенә көчле җил, яңгыр сибәли. Шулай да, һәрнәрсәнең уңай якларын табарга мөмкин. Өйдәгеләргә йорт эчендәге эшләрне бетерергә җай чыкса, эштәгеләр үз вазифаларын үтәп, көннең нинди булуын артык сизмәсләр дә. Ә менә юллар төзеклеген, чисталыгын тәэмин итүчеләргә сайлау мөмкинлеге юк. Алар нинди шартларда да урамда эшлиләр. Сарман авыл җирлеге башкарма комитетының техникасы да иртәдән халыкка хезмәт күрсәтә. Җәяүлеләр юлын чистартып, комлы-тозлы катнашма сибәләр алар. 
Юлларда сак булыгыз, дуслар, имгәнә күрмәгез.