Июнь кыравы район халкының уңышына да зыян салган

Мондый яңалыкны май аенда ишетсәң дә, аптырамас идең. Тик календарьда бит инде июньнең икенче яртысы! Кырау кабакларга да тигән. Яхшыбай авылының иң тәҗрибәле кешеләренең берсе — быел, Аллаһ теләсә, 85 яшен тутырачак һәвәскәр бакчачы Анастасия Кашапова да — аптырашта.
— 1958 елның җәеннән бирле июнь уртасында кырау сукканын күргәнем булмады, — ди ул.

Район үзәгендә дә һава торышыннан зыян күрүчеләрнең моң-зарлары ишетелә. Кагыйдә буларак, түбәнрәк өлештә урнашкан урамнарда яшәүчеләр зарлана. Мисал өчен, "аръяк«та яшәүчеләр арасында: «Кабакларым әрәм булды», — диючеләр булды.

Тулырак язманы район газетасының 30 июнь саныннан укый аласыз.