Яшь кияү-кәләшләрне Казанга җыйдылар

"Сарман: иң яңа хәбәрләр", 30 август 2024 - 17:30

544

Бүген Казанда «Чаша» Гаилә үзәгендә бәйрәм чарасы узды.

Республика районнарыннан җыелган 45 пар үзләренең мөнәсәбәтләрен рәсмиләштереп, кияү-кәләшләр парадында катнаштылар. Аларны ТР Дәүләт Советы рәисе урынбасары Марат Әхмәтов тәбрикләде, республика башлыгының котлау сүзләрен җиткерде. Чарада катнашкан райондашларыбыз - Сарысаз Тәкермән авылы егете Булат Зарипов белән Сарман кызы Айсылу Сапарова өчен дә бүгенге көн истәлекле булып, тарихка кереп калачак.