Газинур Рәсәй чемпионы булды

Сарман аграр көллияте укучысы Газинур Гайнетдинов, һөнәри осталык буенча «Профессионаллар» Бөтенрәсәй чемпионатында катнашып, «Авыл хуҗалыгы машиналарын эксплуатацияләү» компетенциясендә җиңү яулады. Липецк шәһәрендә узган ярышларда Рәсәйнең 54 регионыннан төрле һөнәр осталары катнаштылар. Республика һәм район данын яклап чыгыш ясаган Әлмәт авылы егете Газинур Марат улы бу юлы да сынатмады — тагын бер тапкыр профессионал булуын раслады.