Эчке эшләр бүлеге хезмәткәрләре һөнәри бәйрәмнәрен билгеләп үтәләр

Аның тарихы узган гасырларга барып тоташа. Россиядә иң элек җинаятьчелек белән общиналар үзләре көрәшкән. Соңрак Петр беренче бу тармакта реформалар үткәрә. 1721 елда Мәскәүдә полицмейстер канцеляриясе оештырыла. Безнең көннәргә килеп җиткәнче, ул күп төрле үзгәртеп корулар кичерә. Бүгенге көндә ул – төрле җинаятьчел күренешләргә каршы көрәшүче, халыкның иминлеген тәэмин итүче көчле система.
Район эчке эшләр бүлеге хезмәткәрләре үзләренең һөнәри бәйрәмнәрен тантаналы төстә билгеләп үттеләр. Аларны бәйрәм белән район Советы аппараты җитәкчесе Фәндәс Вәлиев тәбрикләде, иң уңганнарга, ветераннарга Почет грамоталары, Рәхмәт хатлары тапшырды. Бәйрәм, гомумән, бүләкләргә, күңелле мизгелләргә бай булды, ветераннарга да зур хөрмәт күрсәтелде. Ул матур җырлар, биюләр белән аралаштырып алып барылды.
Зөлфия Шәрипова язмасы, фотолар – эчке эшләр бүлеге архивыннан