Бүгенге яңгыр нинди көз юрый

Аларның, чыннан да, күпчелеге рас килә. Әйтик, яңгыр ява башлагач, тавыклар качышып бетсәләр, яңгыр озак яумаячак, туктаячак, ә яңгыр астында йөрсәләр, озак явачак, дигән сынамыш бар. Үземнең моны күп тапкырлар күзәткәнем бар, нәкъ шулай була да.
Бүген иртән, озак булмаса да, яңгыр явып китте. Халык сынамышлары буенча, 6 сентябрьдә яуган яңгыр коры көз һәм киләсе елга муллык юрый. Шулай була күрсен.
Яңгыр яуганда күк йөзендә салават күпере дә барлыкка килде. Салават күперен күрүне исә бәхеткә юрыйлар. Ә сез сынамышларга ышанасызмы, аларны күзәткәнегез бармы, дуслар? Комментарийларга языгыз.