Бүген сарманлылар Халыкара прәннек көнен билгеләп үтә

Чит илләрдән, чит төбәкләрдән кунакка килүчеләр хуш исле сувенир - рус прәннеген бик теләп күчтәнәчкә алалар. Әлеге татлы ризыкны җитештерү эталоны булган Тулада бу датаны 28 сентябрьдә билгеләп үтәләр.
Прәннекне өй шартларында да пешерү бик җиңел. Һәркем аны ярата һәм бик теләп әзерли. Үзизоляция чорында, өйдә булганда, сарманлылар да аны пешерәләр. Уңган хуҗабикәләрнең инстаграм, Вк битләрендә бу уңайдан фотолар күп.
Әйдәгез, дуслар, тәмле прәннек пешерү рецептлары белән бүлешәбез, бергәләп сыйланыйк.
Альбина Сабирова язмасы һәм фотосы