Җәлилдә бәйрәм парады үткәрелде

Халыкны бәйрәм белән район Башкарма комитеты җитәкчесе Фәндәс Вәлиев, поселок җирлеге башлыгы Рәфыйк Кәримов һәм башкалар тәбрикләделәр. Шушында ук поселокка нигез салучы Галимҗан Әхмәдиев истәлегенә куелган мемориаль тактага чәчәкләр салынды.
«Җәлилнефть» идарәсе, поселоктагы барлык оешма һәм учреждениеләр коллективлары хезмәтчәннәре, ветераннар бәйрәм парадында катнаштылар. Төрле төстәге шарлар, матур итеп язылган лозунг һәм транспарантлар, чәчәк бәйләмнәре бәйрәмгә матур ямь өстәделәр. Велосипедчылар парады да аның күркәм бер өлеше булды. Бәйрәм спорт ярышлары, эстафета, иҗат конкурслары, концерт программасы белән дәвам итте.