Татарстанда ярты ел эчендә 227 бала юл-транспорт һәлакәтендә зыян күргән
Быелның алты аенда республикада балалар катнашында 206 юл-транспорт һәлакәте теркәлгән. Бу хакта бүген ТР Министрлар Кабинетында узган брифингта сәламәтлек саклау министры Альмир Абашев хәбәр итте, дип яза «Татар-информ» МА.
Министр мәгълүматларына караганда, әлеге аварияләрдә 6 бала һәлак булган, 227 бала төрле дәрәҗәдәге җәрәхәтләр алган. Яраланган балаларның күбесенә баш мие имгәнүе, сынулар, күгәргән урыннар, кайбер очракларда — үлемгә китерә торган авыр травмалар диагностикаланган.
Медицина ярдәме күрсәтү статистикасы: 189 бала стационарга салынган, 89 бала исә амбулатор дәвалау белән чикләнгән.
Альмир Абашев аерым игътибарны резонанслы аварияләргә юнәлтте. 24 июльдә Яшел Үзәндәге һәлакәттә 6 кеше, шул исәптән балалар да вафат булган. 11 июльдә Чирмешән районында 45 кеше зыян күргән. 4 августта Лаеш районында исә 4 кеше имгәнгән.
Министр әти-әниләрне балаларны юлда күзәтүне көчәйтергә, куркынычсызлык кагыйдәләрен исләренә төшерергә өндәде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев