Район территориясендә "Тоннель" чарасы узды

16 августта район ЮХИДИ бүлекчәсе тарафыннан Салкын Чишмә-Александровка юлының 5-6 километрларында 16.30 сәгатьтән 17.30га кадәр "Тоннель" профилактик чарасы үткәрелде. Барлыгы 12 юл хәрәкәте кагыйдәләре бозучыга беркетмә төзелде. Иң күп кагыйдә бозу - 7 - куркынычсызлык каешларын эләктермәү белән бәйле булды. 2 кешегә иминиятләү полисыннан башка йөргән өчен штраф салынды. Берешәр кеше иминиятләү полисына язылмаган килеш һәм техник яктан төзек булмаган автобус белән идарә иткән өчен җаваплылыкка тартылды. Кагыйдә бозучылар арасында җәяүле дә бар иде.