Чаллыда 16 яшьлек үсмерне кросс мотоциклында тоткарлаганнар
Чаллыда таныклыгы булмаган 16 яшьлек үсмер кросс мотоциклында җилдергәндә тоткарланган.
«Татар-информ» агентлыгы шәһәр Госавтоинспекциясе матбугат хезмәтенә сылтама белән хәбәр иткәнчә, әлеге хәл Замелекесье микрорайонында булган: егет дәүләт номерлары булмаган мотоциклда барганда юл инспекторларына юлыккан.Үсмерне идарә итүдән читләштергәннәр, ә техника штрафстоянкага озатылган. Дәүләт автоинспекциясе ата-аналарны балалар куркынычсызлыгына җаваплы карарга, аларга мотоцикл яки питбайк кебек куркыныч әйберләр сатып алмаска, шәхси транспорт ачкычларын кулга төшерү мөмкинлеген чикләргә һәм таныклыксыз идарә итүне катгый тыярга чакыра.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев