Буралы Чишмәдә ифтар мәҗлесе үтте

Рамазан аенда кече авылларыбызда да авыз ачу мәҗлесләре үткәрелә. Буралы Чишмә авылында ифтар мәҗлесендә 30га якын кеше катнашты. Алар һәммәсен үзләре оештырганнар, табынны да бик мул итеп әзерләгәннәр. Әлхәмдүлилләһи шөкер.

Башта хәзрәт вәгазен тыңладык, аннан җимеш һәм су белән авыз ачтык. Ахшам намазын укыдык. Әби-апалар, абыйлар мондый бәйрәм кичәсенә бик сөенделәр. Җәмәгать белән намаз уку, бердәм рәвештә җыелышып, хәл-әхвәл белешү, аралашу - барыбыз өчен дә бик кирәкле гамәлләр. Киләчәктә тагын шундый күркәм очрашулар насыйп булсын. Амин.