Татарстанда буран, җепшек кар һәм секундына 23 метрга кадәр көчле җил фаразлана

Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Республикада көн болытлы, көндез аязучан болытлы булачак. Барлык районнарда бераз кар һәм җепшек кар явуы көтелә.

Якшәмбе көнне, 5 мартта, кич белән, дүшәмбе көнне, 6 мартта, төнлә һәм иртән кайбер урыннарда, Казанны да кертеп, буран чыгачак, күз күреме 1000 метрга кадәр начараячак, дип искәртә синоптиклар.

Моннан тыш, көньяк һәм көньяк-көнбатыштан искән җилнең тизлеге секундына 15-20, көчәйгән вакыттан 23 метрга кадәр (ТР башкаласында – 14 метрга кадәр) җитәчәк. Юлларда кар көртләре һәм кар боткасы, кайбер урыннарда бозлавык барлыкка килүе көтелә.

Төнге сәгатьләрдә һава температурасы -1..-6 (Казанда -3..-5), көндез исә -4..+1 градус (ТР башкаласында -1..+1) тәшкил итәчәк, дип билгеләп үтә метеорологлар.

Чыганак: https://tatar-inform.tatar/news/tatarstanda-buran-epsek-kar-ham-sekundyna-23-metrga-kadar-kocle-i