Сарманда бөреләр ачыла

Әлеге фараз озак көттермәде, чынга да ашты. Массакүләм мәгълүмат чаралары 18 ноябрьдә Мәскәүдә көндез 9,4 градус җылы булганлыгы турында яздылар. Сарманда да термометр баганалары ул көнне +9 ны күрсәтте. Мондый рекорд илебездә моннан 85 ел элек куелган. Ул ноябрьнең икенче яртысы өчен уртача климатик нормадан шактый югары. Бу көннәрдә мондый җылы һава торышы бөтен Үзәк Россиядә күзәтелә. Метереологлар әйтүенчә, моның сәбәбе – дым һәм җылы белән тулы атлантик циклон. 
Югарыдагы фоторәсем бүген район үзәгендә төшерелде. Сарман агачларында бөреләр ачыла башлаган ләбаса! Ә сезнең бакчаларда нихәлләр бар, хөрмәтле райондашлар? Яңалыкларыгызны безнең белән дә бүлешегез әле. Рәхмәтебезне Сезгә алдан ук әйтеп куябыз.