Апрель башында республикада томан һәм +18 градуска кадәр җылы булачак
Бүген Татарстанда сизелерлек явым-төшемсез алмашынучан болытлы һава торышы көтелә, дип хәбәр итә «Татар-информ» МА.
Төнлә һәм иртән урыны белән томан булуы мөмкин. Җил төньяк-көнчыгыштан исәчәк, ул секундына 5-10 метр тизлектә булачак.
Төнлә температура +3..-2 градус була. Урыны белән ул -5 градуска кадәр төшәчәк. Көндез һава температурасы – +10..+15, урыны белән +18 градуска кадәр күтәреләчәк. Төнлә һәм иртән Татарстан юлларының кайбер урыннарында бозлавык булу ихтимал, сак булырга киңәш ителә.
Район территориясендә дә шундый ук һава торышы көтелә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев