Сабантуйда экогаилә бүләкләнде

Билгеле булганча районыбызның үз экогаиләсе бар. Ул – Ләшәү Тамак авылында яшәүче Ханнановлар гаиләсе. Алар табигатебезне, әйләнә-тирә мохитне саклау, чистарту буенча зур эш башкаралар, район, республика, Россиякүләм бәйгеләрдә катнашалар һәм җиңүләр яулыйлар. Ханнановлар быел да “ЭкоЯз” республика бәйгесенең “Экогаилә” номинациясендә беренче урынны алдылар. Сарман Сабан туенда район башлыгы Фәрит Хөснуллин бу гаиләгә бүләк тапшырды.