“Чын ир-егет” - бәйгебезнең чираттагы катнашучысы №6 - Талипов Марат

Постта торам,Әфган чиген саклап, Тирә – ягым тау-таш арасы. Һиндикушны карталарда гына Күреп үскән Сарман баласы Метрга бер дөя чәнечкесе, Ятим агач үсә түбәндә, Ә болытлар, купшы башлык кебек, Тиеп йөзә минем түбәмә. “Духлар” бүген тыныч утыралар, Нинди план микән коралар? Сөйләшергә сүзләр,телләр булгач, Нигә кирәк икән кораллар? “Шуравилар”диләр алар безне, Һәркем башы монда бәяле. Кем кайтарыр үлгән дусларыма Үз анасы биргән бәяне? Әнкәй өчен без бит – дөнья хакы, “Духларның”да бардыр анасы. Кайтмый калган уллар өчен бердәй Сызлый булыр күңел ярасы. Уйлар – уйлар.Сакта торган чакта Киңәшче дә,дус та,юлдаш та, Тагын бер төн исән- аман узды, Менеп килә әнә алмаш та..... В.Хәйруллина( Талипова)