Сарманлылар чүпләүдән кайчан туктарлар икән?

Беребез дә күршесенең ишегалдына да кереп, чүпләп чыкмый, моңа юл да куймыйлар. Ә менә урамнарда, паркларда чүпләүне гадәти хәл дип саный кайберәүләр. Узган атнада, фонтанлы паркта бәйрәмнән соң күпләп чүп калуына борчылып, бер газета укучыбыз кергән иде. Бүген үзебез үзәк парк янында шушындый күренешкә тап булдык. Паркта, ун метр гына ераклыкта чүп савытлары бар, югыйсә. Чисталык сакларга кайчан өйрәнербез икән, җәмәгать?!