Ял паркына Нәүрүзбикә килде

"Сарман: иң яңа хәбәрләр", 24 март 2022 - 13:53

1096

23 март көнне Әнвәр Залаков исемендәге ял паркында халкыбызның милли бәйрәме "Нәүрүз" үткәрелде.

Кунакларны район Башкарма комитеты җитәкчесе урынбасары Индира Сәхипова сәламләде.
- Бәйрәм бик күңелле үтте. "Язлар белән җиргә Нәүрүз килә" дип исемләнгән театраль тамаша "Игәнә" халык фольклор ансамбле, "Идел" бию төркеме, аерым җырчыларның чыгышлары белән үрелеп барды. Кече футбол ярышы, төрле кызыклы уеннар үткәрелде, борынгы йола - игеннәр мул, тук булсын өчен, йомырка тәгәрәтелде. Кунаклар кайнар коймак, ботка белән сыйландылар, җыр-биюләрдә катнаштылар, - дип хәбәр иттеләр район мәдәният йортыннан.