Данил батырлык үрнәге күрсәтте

"Сарман: иң яңа хәбәрләр", 14 май 2020 - 09:21

1317

2020 елның март аенда “Җәлил гимназиясе”нең 10 нчы сыйныф укучысы Данил Маслов кыз баланы билгесез ир-атның һөҗүменнән саклап, кыюлык һәм батырлык үрнәге күрсәтә.

Шул уңайдан Россия Эчке эшләр министрлыгының Сарман районы буенча бүлек начальнигы Газинур Сәгыйт улы Мортазин балигъ булмаганнарга карата иҗтимагый-куркыныч эш кылуны тыеп калуда күрсәткән батырлыгы һәм кыюлыгы өчен Данилга рәхмәт хаты тапшырды. Битараф калмаганы һәм кызны яклап чыкканы өчен ул башкаларга үрнәк булып тора!