Илек буе тагын да матурланачак

автор, 27 сентябрь 2019 - 16:46

1889

Татар Илеге буенда урнашкан ял паркы сарманлыларны гына түгел, районга кайткан кунакларны да үзенә җәлеп итә.

Аның матурлыгына, төзеклегенә, зәвыклылыгына сокланмаган кеше юктыр. Илек елгасы буен төзекләндерү эшләре дәвам ителә, дуслар. Биек агачлар, үлән белән капланган яр буйлары озакламый танымаслык булып үзгәрәчәк, дип хәбәр итәләр төзекләндерү белән шөгыльләнүче оешма хезмәткәрләре. Бүгенге көндә парк яныннан ипи пешерү комбинатына чаклы аралыкны чистарту эшләре башкарыла: агачлар киселә.
- Эшләр ТР Министрлар Кабинеты карары нигезендә ТР Экология һәм табигать ресурслары министрлыгы программасы аша башкарыла. Быел эшләнәселәренә 17 миллион 791 мең сум акча каралган, - ди район Башкарма комитеты җитәкчесенең инфраструктур үсеш буенча урынбасары Айрат Гайфутдинов.
Альбина Сабирова язмасы һәм фотолары