Райондашлар әҗәтләре турында белделәр

"Сарман: иң яңа хәбәрләр", 26 апрель 2019 - 18:15

1280

Бүген, 26 апрель көнне, күпфункцияле үзәктә Федераль суд приставлары хезмәтенең район бүлеге тарафыннан “Әҗәтләрең турында бел” дигән акция үткәрелде.

Аның максаты – әҗәтлеләрдән әҗәтләрне эзләп алу, түләтү.
Акция барышында листовкалар таратылды. Аларда әҗәтләрең турында каян белергә, әҗәтләрне вакытында түләмәүнең нәтиҗәләре турында аңлатылды. Болардан тыш халык белән әңгәмәләр, кабул итүләр үткәрелде.
Район бүлегеннән алынган мәгълүматларга караганда, бүгенге көндә бүлектә төрле әҗәтләре буенча учетта торучыларның саны – 11 мең.
Зөлфия Шәрипова язмасы, фотолар – суд приставлары хезмәтенең район бүлеге архивыннан