Альбина Насыйрова: Татарстанда полилингваль педагоглар әзерләү системасы булдырырга кирәк

«Бала-Сити» полилингваль балалар үзәкләре челтәре генераль директоры бүген «Бердәм Россия» партиясе праймеризында катнашучы сыйфатында теркәлде.

Бүген Татарстанда педагогик кадрлар әзерләү системасы яңадан карауны таләп итә, мәгариф тармагына берничә телдә белем бирергә сәләтле яңа формациядәге педагоглар кирәк. «Бала-Сити» полилингваль балалар үзәкләре челтәре генераль директоры Альбина Насыйрова журналистларга шулай дип белдерде.

Татарстанда мондый белгечләр аз, чөнки аларны әзерләү системасы булдырылмаган, диде ул. «Мәгариф системасының үсеше педагогларга бик нык бәйле. Билингваль республикада яшәсәк тә, бездә ике телдә белем бирүче педагоглар җитми», - диде Альбина Насыйрова.

«Мәгарифкә яшьләр бик күп килә, алар үсәргә тели, әмма бездә практика һәм технологияләр искергән. Шунлыктан без Казан федераль университеты белән махсус проект гамәлгә ашырабыз: өлкән сыйныф студентларын балаларга билингваль белем бирү алымнарына өйрәтәбез», - диде ул.

Бүген Альбина Насыйрова «Бердәм Россия» партиясе праймеризында катнашучы сыйфатында теркәлде. 26 майда Татарстанда ТР Дәүләт Советына сайлауларда «Бердәм Россия» партиясе праймеризы узачак. «Бердәм Россия» - үз кандидатларын бердәм тавыш бирү юлы белән билгели торган илдәге бердәнбер партия. Праймеризда катнашырга теләүчеләрдән гаризалар 30 апрельгә кадәр кабул ителәчәк.

12 апрельгә булган мәгълүматларга караганда, алдан тавыш бирүдә катнашу өчен 60 кеше документларын тапшырган. Алар арасында ТР Дәүләт Советының гамәлдәге депутатлары (Юрий Камалтынов, Римма Ратникова, Геннадий Глушков, Разил Вәлиев, Марат Галиев, Ксения Владимирова) да бар.

Фото: Информационный центр ТРО ВПП

Бу хакта тулырак: https://tatar-inform.tatar/news/2019/04/12/184398/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде
  • 5 март 2021 - 14:32
    Зөбәрҗәт туйга килеп җиткәннәр
    Зөбәрҗәт туйга иң бәхетлеләр – кыенлыкларга бирешмәүче, мәхәббәт хисен еллар агышында, тормыш юлында очраган давылларда саклап кала алучылар гына килеп җитә алалардыр.
    331
    0
    0