Илдус Фәйзуллин өч көн сайлауның бүгенгесенә өстенлек бирде

"Сарман: иң яңа хәбәрләр", 19 сентябрь 2021 - 08:47

685

2533 нче сайлау участогы беренче сайлаучыларын иртәдән үк кабул итә башлады. Бу участокта беренче булып Илдус Фәйзуллин тавыш бирде.

- Алдагы көннәр бакча эшләре белән үтте. Аннан соң, безнең буын якшәмбе көннәрне бәйрәм көннәре дип кабул итәргә күнеккән. Менә мин дә төп сайлау көне итеп, сайлауга бүген – 19 сентябрь көнне килдем. Аннан бары тик яхшылык кына көтәм, - ди ул.
Чыннан да, бу участок иртәнге сигездә үк сайлаучыларын кабул итәргә әзер иде. Саклык чаралары күрелгән, сайлау үтәчәк залда да барысы да – әзерлек хәлендә, коймаклар пешкән, прививка ясарга килгән медиклар төркеме дә вакцина ясатырга теләүчеләрне көтә иде.
Зөлфия Шәрипова язмасы һәм фотолары