Зөһрә марафонда II урынга лаек булды

8 нче ноябрьдә Муса Җәлил исемендәге Минзәлә педагогия көллиятендә республиканың Төньяк-Көнчыгыш төбәге 7, 8, 9 нчы сыйныф укучылары һәм һөнәри уку йортларында белем алучы 1нче курс студентлары арасында "Мәгълүмати-филологик марафон" узды. Анда 75 мәктәп укучысы, 173 студент катнашты. Алар татар теле, рус теле, инглиз теле һәм информатика фәннәреннән уздырылган олимпиадада үзләренең белемнәрен сынадылар.

Күтәмәле мәктәбеннән бу марафонда татар теле фәне буенча 6 нчы сыйныф укучысы Солтанова Зөһрә, рус теле буенча 7 нче сыйныф укучысы Гыйрфанов Динар катнаштылар. 6 нчы сыйныфта гына укыса да, Солтанова Зөһрә, 7нче сыйныф программасын үтәп, татар теленнән II урынга лаек булды.