Яр да кирәк, дуслар да

Гомер бик тиз үтә. Кичәге сабый кай арада тормыш корырдай егет, кыз булган, дип аптырыйсың кайчак. Әйе, барыбызның да янәшәдәгеләр кебек бәхетле - гаиләле буласы, балалар белән гөрләшеп яшисе килә. Моның өчен үзеңнең икенче яртыңны эзләп табасы гына бар. Насыйп ярың кайдадыр адашып йөриме, әллә синең янәшәңдә генәме? Моны ачыклауның җае да чыгып тора: Сарманда ялгызлар клубы ачыла. Пәнҗешәмбе көнне, ягъни 31 нче январьда үзәкләштерелгән китапханәдә кичке сәгать 6 да «Гомер бер генә, сөю мәңгелек» дип исемләнгән кичәгә барлык ялгызларны көтәләр.