Тузганак балы ясап калырга өлгерегез, дуслар

Шуларга карап, бал ясап караганнардан төрле фикер ишетергә туры килә. Кемдер, бал сыек булды, кайсылары, килеп чыкмады, ди. Мәрьям Миңнеголова тәкъдим иткән менә бу ысул белән әзерләп карагыз әле, хөрмәтле дуслар.
300 данә тузганак чәчәген җыеп, яхшылап юарга. Ике лимонны иттарткыч аша чыгарырга. Тирән савытка 1 литр да 200 грамм су, лимон һәм чәчәкләрне салып, кайнап чыккач, тагын ун минут тотып алырга. Шушы массаны бер тәүлеккә калдырырга. Икенче көнне шуңа 2,5 кг шикәр комы салып, 1,5 сәгать кайнатырга. Ашларыгыз тәмле булсын!

Альбина Сабирова язмасы һәм фотолары