Татарстанда 200 мәктәп укучысы 69 мең сумлык грант иясе булачак.
Мондый стимуллаштыру түләүләре 5–11 сыйныф укучылары өчен «Физика-химия нигезләрендә алгарыш» (Физико-химический прорыв) проектында каралган.
Грантлар физика, химия яки биология фәннәрен актив һәм уңышлы үзләштерүче балаларга биреләчәк. Барлык грант алучылар өч категориягә бүленгән:
* 5–6 сыйныфлардан — 50 кеше;
* 7 сыйныфлардан — 30 кеше;
* 8–11 сыйныфлардан — 120 кеше.
Конкурс нигезендә сайлап алуны Татарстан Мәгариф һәм фән министрлыгы уздырачак. Мөһим шарт: соңгы ике уку елында әлеге фәннәр буенча Бөтенроссия мәктәп олимпиадасының йомгаклау этабында һәм халыкара олимпиадаларда җиңүчеләр һәм призлы урыннар алучылар грантка дәгъва итә алмый.
📸Рәсем ясалма интеллект ярдәме белән генерацияләнде.
Нет комментариев