Татарстан шәһәрләрендә 63 мең видеокүзәтү камерасы эшли

Бүгенге көндә Казанда җәмәгать урыннарында 2 меңгә якын видеокамера эшли, 12 меңгә якыны күп фатирлы торак йортларда урнаштырылган.

Татарстан Республикасында 63 мең видеокүзәтү камерасы эшли. Бу хакта «Татар-информ» мәгълүмат агентлыгында Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министры урынбасары Альберт Яковлев хәбәр итте. «Хәзер Татарстанда 63 мең камера эшли. Шуларның 20 меңеннән онлайн-форматта файдаланып була. Эш дәвам итә, камера саны арта бара. Без Кытай тәҗрибәсен күзәтәбез, анда камералар куллану проценты безнеке белән чагыштырганда берничә тапкыр югарырак», — диде Яковлев. Калган камералар контрольдә һәм исәптә тора. Аларның хуҗалары билгеле, кирәк булганда, билгеле бер урын буенча камера архивын соратып алырга була. Күп фатирлы йортларда урнаштырылган видеокамераларда ул җиде көн, җәмәгать урыннарындагы камераларда архив 30 көн дәвамында саклана. «Бүгенге көндә Казанда җәмәгать урыннарында 2 меңгә якын видеокамера эшли. Моннан тыш, видеокамералар күп фатирлы торак йортларда да эшли, Казанда алар 12 меңгә якын», — диде спикер. 

Фото: Архив

Чыганак: tatar-inform.tatar
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 май 2022 - 08:53
    Сарман ярминкәсеннән репортаж
  • 6 май 2022 - 08:47
    Күренекле мәгърифәтче Морад Рәмзине туган авылында искә алдылар
  • Сарман кызлары Мөслимдә!
  • Сарман күген ап-ак күгәрченнәр иңләде
  • Күренекле мәгьрифәтче Морад Рәмзинең иҗатына багышланган халыкара форум
  • Җәлил укучылары рухи кыйммәтләрне барладылар
  • Космонавтика көне белән бәйле хатирәләрегез юкмы, дуслар?
  • Матурлыкка гашыйк остабикә
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр