Сарманда Бөтенроссия семинары үткәрелә

25 ноябрь көнне Сарман аграр көллиятендә "Системаны модернизацияләү шартларында квалификацияле кадрлар әзерләү сферасында Татарстан Республикасы урта һөнәри белем бирү оешмаларының тәҗрибәсен гомумиләштерү" дигән тема астында Бөтенроссия семинары эшли башлаячак. Аның максаты - һөнәри белем бирү учреждениеләре педагогик хезмәткәрләренең тәҗрибәсен тарату. Семинар эшендә Татарстан Республикасы Мәгариф һәм фән министрлыгы вәкилләре, Зәй политехник көллиятенең педагогик хезмәткәрләре һәм Саха (Якутия) республикасы делегациясе катнашачак. Семинар эшен 26 ноябрьдә Зәйдә дәвам итәчәк.