Сарман районында ашыгыч хезмәтләр яңа номерга күчә

27 гыйнвардан башлап, ашыгыч хезмәтләрнең номерларына 1 саны өстәлә. Шулай итеп, коткаручылар һәм янгын сүндерүчеләрнең номеры - 101, полициянеке - 102, Ашыгыч ярдәмнеке 103 булачак. Ә 112 номеры буенча, әйтеп үтелгәннәрдән кала, газ хезмәтенә, Гадәттән тыш хәлләр министрлыгына, торак-коммуналь хуҗалыкның кайбер хезмәтләренә шалтыратып була.

Яңа номерларга стационар һәм кәрәзле телефоннардан шалтырату мөмкинлеге каралган. Ул бушка булачак. Әлеге номерларга күчү эзлекле рәвештә барачак, шуңа күрә берникадәр вакыт элекке ике урынлы номерлар сакланачак.