“Сандугач” балалар бакчасында Габдулла Тукайны искә алдылар

"Сарман: иң яңа хәбәрләр", 26 апрель 2019 - 17:15

1613

4 санлы “Сандугач” балалар бакчасында Габдулла Тукайның тууына 133 ел тулуга багышланган бәйрәм иртәсе узды.

Бәйрәмдә беренче һәм икенче кечкенәләр балалары эчтәлекле итеп, “Бала белән Күбәләк”, ”Кызыклы шәкерт”,”Гали белән кәҗә”, ”Безнең гаилә” шигырләрен сөйләсәләр, өлкән төркем балалары «Шүрәле», «Су анасы», «Кәҗә белән сарык" әкиятләрен чын артистларча сәхнәләштерделәр. Бәйрәм “Туган тел” җыры белән тәмамланды.