Саклаубаш мәктәбендә "Татар халык ашлары" бәйгесе үткәрелде

Саклаубаш мәктәбендә "Татар халык ашлары" бәйгесе үткәрелде. Без анда нинди генә татар халык ризыклары, аларны әзерләү рецептлары, ашарга пешергәндә кулланыла торган борынгы һәм хәзерге кирәк-яраклары, милли киеме, сәнгать әсәре, татар халык әкиятләре белән танышмадык! Тамашачы укучыларның яртысының, мөгаен, бу минутларда пешекче һөнәрен үзләштерәсе килгәндер, ә инде бәйгедә катнашкан 7-8нче сыйныф кызлары бик оста әзерләгәннәр иде. Алар арасында иң яхшы әзерлеклесе дип Ләйсән Исламова танылды - ул бәйгедә җиңү яулады.

Чараны татар теле һәм әдәбияты укытучыбыз Альфира Габдуллина әзерләде. Ул безгә әллә никадәр яңалык белдерде, гармунны да үзе сыздырып җибәрде.

Ләйсән Мөхәммәтова, "Беренче адымнар" түгәрәге.