САРМАН
  • Рус Тат
  • Республикада яшеллекне саклауга 200 миллион сум бүленгән

    Быел республикада 4,8 мең гектар мәйданда урманнарны яңарту, 11 мең тонна орлык һәм 30 млн үсенте әзерләү күздә тотыла.

    Бу эшләр «Татарстан Республикасында урманнарны саклау» төбәк проекты нигезендә башкарылачак һәм моның өчен федераль бюджеттан 197,7 миллион сум акча каралган. Аның 46,4 миллион сумы урман хуҗалыгы, янгын сүндерү техникасы һәм җиһазлар алуга тәгаенләнгән.
    Бу акчалар ярдәмендә 4,8 мең гектар мәйданда урманнарны торгызу, 11 тоннадан артык орлык әзерләү, 30 миллион данәдән артык агач үсентесе үстерү күздә тотыла.
    Узган ел үзәктән республика урманнарын саклауга 121 миллион сум акча бирелгән булган. 11 тонна төрле агач орлыклары һәм имән чикләвеге җыелган, 2,4 мең гектар мәйданда яңа үсентеләр утыртылган, техника һәм җиһазлар сатып алынган.
    «Татарстан Республикасында урманнарны саклау» төбәк проекты «Экология» илкүләм проекты һәм «Урманнарны саклау» федераль проекты кысаларында гамәлгә ашырыла.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: