Республика журналистлары басма авторы Марина Подольская тәкъдиме белән “Казан” журналына язылу буенча социаль челтәрләрдә флешмоб үткәрәләр. Бу журнал нәфис публицистика һәм тарихи-әдәби журнал булып тора.
Моңа карата “ТАТМЕДИА” җәмгыяте генераль директоры Шамил Садыйков үз фикерен белдерде. “Журнал ябылмый, аңа язылуга комачаулаучы күренешләр дә фаразланмый”, - диде ул.
“ТАТМЕДИА” җитәкчесе әйтүенчә, республиканың Мәдәният министрлыгы ярдәме белән китапханәләр 350 данә журналга язылырга тиешләр. 20 декабрьгә аңа 2020 елның 1 яртыеллыгына барлыгы 1148 кеше язылган. “Журнал, элекекечә үк, җөмһүриятебез китапханәләренә кайтачак, ләкин гадиләштерелгән форматта. Төп бурычыбыз итеп без аңа уңайлы урыннарда абунәчеләр эзләүне күрәбез”, - диде ул.
Нет комментариев