Районның "Ел тәрбиячесе" ачыкланды

Бүген, 12 февраль көнне, район үзәгендәге "Сандугач" балалар бакчасында "Ел тәрбиячесе-2016" бәйгесенең муниципаль туры үткәрелде. Балалар бакчалары тәрбиячеләре иң элек үзләре белән таныштырдылар, соңыннан һөнәри осталыкларын күрсәттеләр. Нәтиҗәдә районның "Ел тәрбиячесе" исеменә район үзәгенең "Лилия" балалар бакчасы тәрбиячесе Ильмира Галиәкбәрова лаек булды. Район үзәгенең "Ләйсән" балалар бакчасы тәрбиячесе Гөлназ Хәйретдинова һәм Җәлил поселогының "Теремкәй" балалар бакчасы тәрбиячесе Рушания Хабилова призерлар булдылар.

Җиңүче район данын зона бәйгесендә яклаячак.

Бу хактагы тулырак язманы газетаның киләсе саннарының берсендә укыгыз.