Районда зөбәрҗәт, бриллиант туйларын билгеләп үтүче парларны тәбрикләделәр

Зөбәрҗәт һәм бриллиант туйларына парлап барып җитүче матур гаиләләр белән без урынлы горурланабыз. Гомерләрен яраткан хезмәтләренә, игелекле балалар тәрбияләүгә багышлаган буларак та, алар райондашларына үрнәк булып торалар. Шушы көннәрдә олуг бәйрәмнәрен билгеләп үтүче Сарман авылында яшәүче ветераннарыбыз - Мәмдүх һәм Рәзинә Бәдертдиновларны, Хәниф һәм Рәхилә Хәсәновларны район Башкарма комитетының ЗАГС бүлеге җитәкчесе Гөлчәчәк Вәлишина, район ветераннар советы рәисе Нәҗип Миңнеголов тәбрикләделәр. Алар, район башлыгы Фәрит Хөснуллинның Рәхмәт хатын, истәлек бүләге тапшырып, иң изге теләкләрен җиткерделәр.