Районда Сәләтле балалар слеты узды
Бүген район мәдәният йортында IV Сәләтле балалар слеты узды.
Анда муниципаль район башлыгы Фәрит Хөснуллин, Башкарма комитет җитәкчесенең социаль мәсьәләләр буенча урынбасары Индира Сәхипова, мәгариф бүлеге начальнигы Әлфәт Сабиров, мәдәният бүлеге начальнигы Гөлназ Латыйпова катнаштылар һәм районның фән олимпиадаларында, төрле фестивальләрдә җиңгән, призлы урыннар яулаган сәләтле балаларын бүләкләделәр. “Татнефть”нең Хәйрия фонды әгъзасы Зәкия Яһудина Җәлил беренче санлы мәктәбенең 9 сыйныф укучысы – Бөтенроссия сәнгать олимпиадасы призеры Диана Яббаровага видеокамера тапшырды. “Елның иң яхшы укучысы” район конкурсы призерлары, шулай ук олимпиада нәтиҗәләре буенча җиңгән мәктәпләр дә бүләкләнде. Слет фестивальләр лауреатлары чыгышлары белән үрелеп барды.
Энҗимә Габдрәхимова язмасы, видео һәм фотолары.
Следите за самым важным и интересным в Telegram-каналеТатмедиа
Нет комментариев