Районда шартлау буенча җинаять эше кузгатылды

Зур Нөркәй авыл җирлеге территориясендә урнашкан “МНКТ” җәмгыяте мәйданчыгында бүген шартлау булды. Нәтиҗәдә ике кешенең гомере өзелгән, берсен Яр Чаллы шәһәренең ашыгыч ярдәм күрсәтү үзәгенә алып киткәннәр. Гадәттән тыш хәл булган урынга шунда ук район башлыгы Фәрит Хөснуллин барды. Хәзерге вакытта каза булган урында республиканың тикшерү комитеты, Ростехнадзор хезмәткәрләре эшлиләр. Район прокуроры Татьяна Федоровская шартлау булган урында тикшерү барышын контрольли.