Районда сайлаулар бердәм рәвештә башланып китте

Бүген, 13 сентябрь көнне, Татарстан Республикасы Президентын һәм муниципаль берәмлекләрнең вәкиллекле органнарына депутатлар сайлау көне. Районда барлыгы 43 сайлау участогы сайлаучыларга үз ишекләрен иртәнге 7.00 сәгатьтә үк ачты һәм алар кичке 20.00 сәгатькә кадәр эшләячәк. Сарман гимназиясендә урнашкан 2532 номерлы сайлау участогында да иртәдән үк җанлылык хөкем сөрә иде. -...

Бүген, 13 сентябрь көнне, Татарстан Республикасы Президентын һәм муниципаль берәмлекләрнең вәкиллекле органнарына депутатлар сайлау көне.
Районда барлыгы 43 сайлау участогы сайлаучыларга үз ишекләрен иртәнге 7.00 сәгатьтә үк ачты һәм алар кичке 20.00 сәгатькә кадәр эшләячәк. Сарман гимназиясендә урнашкан 2532 номерлы сайлау участогында да иртәдән үк җанлылык хөкем сөрә иде.
- Сайлаулар оешкан төстә башланып китте. Сайлаучылар хәтта җиденче яртыда ук килә башладылар. Иртәдән үк күпләп, гаиләләре белән киләләр, - диде сайлау участогы комиссиясе рәисе Лилия Газимова.
Шунысын да әйтергә кирәк: сайлау участокларында - бәйрәм төсе, табаларда - коймак, мангалларда шашлык пешә, сәүдә нокталары эшли, микрофоннардан җыр агыла.
Райондагы 43 участокның 6 сы - Әлмәт, Мортамак, Морбаш, Урта Кәшер, Мостафин, Яңа Әхмәт - электрон сайлау участоклары. Аларда сайлаучылар республика Президентын электрон рәвештә сайлый алалар.
Район Башкарма комитеты җитәкчесе Фәрит Хөснуллин исә яшәү урыны буенча Сарман урта мәктәбе сайлау участогында сайлаячак. Ә ул үзе, Сарман авыл җирлеге Советына 5 нче номерлы Сарман бер мандатлы сайлау округы буенча кандидат буларак, мәгариф бүлегендә урнашкан участокта сайланачак.
Районның 43 сайлау участогында да "Бердәм Россия", Коммунистлар партияләренең җирле, ЛДПР, "Гадел Россия" партияләренең региональ бүлекчәләреннән берәр күзәтүче, тәртип сакчылары эшли. Рөстәм Миңнеханов та, республика Президентлыгына кандидат буларак, һәр участокка үз күзәтүчесен куйды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    6 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша